المساعد الشخصي الرقمي

مشاهدة النسخة كاملة : للي جربوو هالموبايل قولولي شو رأيكم فيه


نابلسية كححح
06-19-2008, 03:50 PM
السلام عليكم جميعا ..

http://files.shabab.ps/vb/images_cash/up6/080619135008YIfn.jpg


بديش اطول عليكم

بس بدي اسئلكم انتو عن موبايل nokia 5300 الموسيقي

شو اهم اشي فيه ..؟؟؟؟

وشو عيوبه ؟؟

بتنصحوني اشتريه ؟؟

وشو الفرق بينه وبين موبايل nokia 5200 ????

وكم سعره هالأيام ؟؟

اميرة باخلاقها
06-19-2008, 05:43 PM
بصراحة انا جربتو يومين

ومن هبلي رحت بدلتو بواحد موتورولا

بس بدك الصراحة انا حبيتو

وشكلوو حلو

وبنت عمي قبل فترة اشترت واحد متلو ب 650 على ما اظن

بتمنى تكوني استفدي مني شوي

نابلسية كححح
06-19-2008, 05:49 PM
يسلمو خيتو شيموو ع المعلوماات :s (43):

ومنكم نستفيد ...:icon15:

مشكورة لمرورك :s (43):

.:.!دموع الرحيل!.:.
06-19-2008, 08:00 PM
هلا حبيبتي ..

شوفي يا عسل انا موبايلي 5300 ..

وصرلو عندي .. شي 10 اشهـر

وهيو هلأ صرلو شي شهرين عند المصلح مش راضي يزبط ..

هو الموبايل نعوم وحلو وبناتي ..

بس بدك تديري بالك عليه ..

يعني انا بس لأنـي غيرت الكوفر تاعه .. هيو خرب ..

والمصلح بعد ما كعي فيه . . بقولي يمكن يزبط .. ويمكن لاء

لأنه العطل الي فيو كتير زنخ .. واحتمال يصير للكب ..

هلأ ما بعرف اذا بس موبايلي صار فيه هيك ,, بس انا ما دعكته ..

يعني كتير بدير بالي عليه .. وخرب !

قاللولي ناس قبل ما اشتريه .. انه فيو لقدام أعطال

ما صدقت .. لأني كنت مصرة عليه عشان شكلو ..

بس هلأ بصراحه ندمانه ..

بالنسبة للموسيقى .. منيح وصوتو عالي .. ماشي حالي .. بس مش أعلى صوت بالموبايلات ..

بس بصراحه بعلق كتير ..

اذا استعملتو شي نص ساعه متواصله ..

خصوصي بعد ما كبرت الميموري ..

رغم اني ماليتها كلهـا ..

يمكن يكون حظك فيه أحلـى .. ما بعرف

بس بالنسبة لتجربتي ,, أنـا هلأ مش عارفه كيف اخلص منو ..

واذا ما اتصلح مع الزلمة .. يعني خلص للكب .. حتى بيع مش رح يشتروه مني ..

الـ 5200 .. هو نفسو الـ 5300 .. نفس الأوبشنز ..

بس شاشة الـ 5300 أكبر .. وااذا بتلاحظي الكبسات تاعت الموسيقى ..

عالـ 5300 من برا .. الـ 5200 عن الجنـاب ما في شي غير رسمة ..

بس هيدا الفرق

نصيحة اشتري واحد عملي .. انا هلأ ندمانة اني ما رديت عاللي نصحوني .. وجبت شي

متل الـ N70 ,,, ولو انه شكلو مش زيادة للبنـات ..

بس هيو الشكل ما نفعني .. غلبني :S

بالمقابل .. هيو في نـاس معهم ياه .. ولسه منيح . حسب والله :icon9:

اعملي استخارة :icon11:

الله يلهمك الخير يا قمر :s (43):

نابلسية كححح
06-20-2008, 12:45 PM
ههههههههههههههههههههههه

يسلمو حبيبتي نانا ع المعلواماات

والله أفدتيني

وانشاء الله رح اشوف اللي عندوو للزملة.

بس زي ماقلتي شكلووو بجنن

انا من اول ماشفتوو حبيتو كتيييييييير ..

الله يجيب اللي فيه الخير

هههه رح اعمل استخارة ههههه عشان الموبايل ..

يسلموو مرة تانية عالمعلووماات ..

الله يسعدك

Abu Shadi
06-20-2008, 01:27 PM
والله يا اختي نصيحة خدي ال5300 لانو افضل واحلى واخف دم

وبالمناسبة نصيحة صاحب محل سابقا هههههههههه

بس انا شفت الجهاز وجربتو فترة لاني بشتغل بردو بالمستعمل حاليا فكان معي

وللأمانة الجهاز نظيف كثير وما في اي عيوب ممكن العيب الوحيد للناس الي مش محافظة طبعا

انو بعد اول وقعة الو بيصير فيه لقه خفيفة لكن ما بتبين الا الي بيظل يحرك فيه كثير ويخلخل فيه

بس الجهاز لزيز ونظيف وبالنسبة للتصليح تاعو سهل جدا تلاقي مصلحين الو بس بدك مصلحين ثقة مو مصلحين ضاوين

وصوتو عالي وحلو وكاميرتو 1.3 بيكسل وعندك الفرق بين ال5200 وال5300 شاشة ال5300 اكبر حجم والصوت ميوزيكا اعلى من صوت ال5200 وعندك بردو من نفس الفصيل ال5700 الي هو بلوحة ارقام يعني مو باب وهو افضل من ال5300وال5200 لانو بيظل اضمن اشوي وميزتو شاشتو اكبر كمان من 5300 وبرضو اكسبرس ميوزيك وبالنسبة لسعرو حاليا عنا بغزة وصل 550شيكل جديد

وان بدك ادلك على جهاز رائع جدا وانا بستخدمو حاليا ومبسوط عليه

جهاز 6120 لزيز كثير وفيه مميزات رائعه وبسموه عنا ايضا بيبي 73

وانا قارنتلك الاحهزة الثلاثة

الي هو 5300 و6120 وال73

وان شاطرة بتفهمي المميزات الافضل

حتلاقي انو ال6120 اخف وافضل وكاميرا 2 بيكسل وشي رائع جدا

وهاي الصفحة

http://mea.nokia.com/comparephonesconsumermea_ar

وتقدري تقارني اي جهاز بأجهزة اخرى وتختاري الافضل

طبعا تقلقيش من ناحية سعرو

اول ما نزل على غزة حملتو كان سعرو 1020 شيكل جملة وبنباع بالسوق 1150

وصل حاليا بالسوق جديد 900

بس بيستاهل الجوال

سلامو

وان شاء الله بنكون ساعدناكي

" مهـوّي فايـر "
06-20-2008, 01:34 PM
اشتريه يا اختي موبايل جميل

نابلسية كححح
06-20-2008, 01:47 PM
ابن فلسطين يسلمووووووووو كتير كتير ع المعلومات و هي فادتني كتيير

وانشاء الله بشوف عند الزلمة

بس انا جعبالي موبايل بناتي وصغير ومتزحلق

وهادا عجبني كتيير

وانا مارح استعملو كتير كتير لاني اصلا مو كتير بحاجته بس عشان صوتو العالي و شكله و اال mp3

نابلسية كححح
06-20-2008, 01:48 PM
أخي " مهـوّي فايـر "

يسلمو للمعلومه ولمرورك ..