فلسطيني

[ابنة فلسطين]

فلسطيني ممنوع تعيش
قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور

***
ممنوع تجدد هويه
ممنوع تجدد بسبور
فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش

***
فلسطيني بكل المطارات
اسمك بالاحمر مكتوب
و على شباك مصلحه الجوازات
كتبوا علي جبينك مطلوب
لازم تتوقف ساعات
مذنب او مندون ذنوب
و يتوجه الك اتهامات
انك سبب كل الحروب
كأنو بسببك الحق مات
و العدل بارضك مسلوب
و كأنك سبب النكسات
و كل ازمات الشعوب
و كأنو بسببك مجرم فات
على جنين بلحظه الغروب
و دبح صبيان و بنات
و عجز على امرها مغلوب

***
مع انو الحقيقه
انا الي بالدنيا ضحيه
عملتوني ماده للغنى
و قضية للي ما عندو قضيه
انا الي راسي ما إنحنى
بوجه الريح القويه
انا الي شعبي صمد
في الضفه و بالرشيديه
انا الي شعبي انتفض
و بحجر حارب دوريه
و اليوم و بكره و للابد
عنا كلمه وحده هي

***
فلسطين عربيه
و راح تبقي عربيه
و راح ترجع عربيه
وتحياتي للجميع

[حامي الحمى]

انا فلسطيني بعرف يوم نكبتي وبعرف من هم عدويني

انا فلسطيني وفلسطين كلها ارضي والبعد عنها يبكيني

انا مريض من يوم ما اغتصبوا ارضها والموت من اجلها هو اللي يشفيني

يزيد الشوق من يذكروا اسمها فلسطين ومين يقدر يجافيكي

ما اجملك وما اجمل تلالك حتى العصافير بتغريدها تقلك سحرتيني

الله يجازي اللي سلمك للعدو اللي باعك ما هو من بني ديني

انموت بكرامة اشرف من انعيش بذل والعيشة الذل ما ترضي واحد فلسطيني

وما نرضى بسلام الا برجوع الكل والاحتلال زائل حتى ولو بعد حينِ

خلينا نتوحد ونصون الدم ودمنا غالي وما يرخص الا من اجل تحريرك فلسطينِ

................................... ............

اختي العزيزة

كلماتك جميلة رغم ما فيها من كلمات لم تعجبني مثل (كتبوا علي جبينك ينداس)

الفلسطيني عمرو ما ينداس حتى لو اجتمع عليه الناس

الفلسطيني هو فتح وهو حماس والنصر حليفهم حتى لو وسوس في صدورهم وسواس

تقبلي مروري اخوكم حامي الحمى

[نوران]

انت فلسطيني وانا فلسطينية بهوية او بدون هوية انكتب على جبينا حرية وما رح تغيرها الصهيونية رح تبقى على طول فلسطين الحرة الأبية