:-:-: كيف تعلم غيرك استخدام الكمبيوتر:-:-:, فكّر وساعدنا

السلام عليكم ورحمة الله وبركاته

يعطيكم العافية
أكيد كل واحد فينا تعرّض في يوم لموقف من المواقف التالية ..

والدك (اللى ما بيعرف يحرك الماوس ): .. يالله يابه علّمني على الكمبيوتر !
انت :.. يوووووووه مش فاضي والله .. بعدين بعدين

وموقف تاني ..

انت قاعد عالنت وبتشتغل في 100 شغلة وشغلة مرت عنك الوالدة.
الوالدة .. شو هاد يمه؟؟
انت .. يا سلاااااام يعني انتي عارفة كلل شي وبس هاد ما عرفتيه

وموقف غيره ..

لو حد سألك .. مين أحسن أجيب كمبيوتر ولا نت !!!

فشو الحل ؟؟ شو راح تكون ردة فعلك ؟

أهم شي ما تعصب ولا تتضايق لأنه هاد تقصير منا احنا .. وخلّي في بالك التالي :

- ولا حد بينولد عالم وبيعرف كل شي.

- ماتنساش أصلك .. يعني انت كنت متلهم أول ما بديت .

- الكمبيوتر بالنسبة الهم شي معقد فعلا .. فبيكونو شايفين حاجات كتير ومش عارفين لشو وامتى بدنا نستخدم كل حاجة .. وكأنه كائن فضائي ..فهم محتاجين شوية وقت مع تدريب عليه من غير كلام معقد .. يعني حبة حبة

لهيك علينا تعليمهم وما ننسى ..

- انهم بيواجهو مشكلة في اللغة .. يعني راح تلاقيه (وانت بتعمله ) ما بيسأل مش لأنه فاهم !! لكن لانه مش عارف شو يحكي ولا يسأل !!!!!

- حاول تكون كلماتك طيبة معهم لانه راح يزهقوا بسرعة ويبطلوا يتعلموا , فخدهم على قد معرفتهم ومهما كان سؤالهم تافه بالنسبة الك فهو مهم بالنسبة الهم .

- انهم حيكونو خايفين يعملوا اي شي يخربو الدنيا وتلومهم عليه .. فحاول تفهمهم انه مافيش شي خطير ومن غير ضرب

- حاول تعلمهم عن طريق ملاحظتهم الك ولشغلك .. يعني انت اشتغل وهم قاعدين جنبك أفضل ما تحكيلهم ملاحظات شفوية وتتركهم يشتغلو لحالهم .

- قرّبهم للماوس والكيبورد .. خليهم هم يستخدمو ويتعاملو معه عن قرب .

- لو بدو واشتغلوا ما تستناهم لما هم يحكولك شو عملوا .. ابدا انت بالسؤال واحكيلهم أشوف شو عملتو ؟!.. (بس بشويش )

يعني هي شوية حاجات حاولت أفكر فيها لتساعدنا كيف نعلم غيرنا استخدام الكمبيوتر .
بأتمنى تشاركوني بشوية خبرات من عندكم ..

وياريت لو كل واحد فينا يحاول يعلم أهله على الكمبيوتر وكيف يستخدموه

اعذروني على اللغة العامية بس لزوم الموقف

الله معكم

لا انا ابوي وامي الحمد لله بعرفوا يشتغلو عل الكمبيوتر

بس ابوي يلي بعرف عل النت وامي لا ههههههههه

يعني الحمد لله انهم بيعرفوا
لكان جننوني
هههههههههههههه

تحياتي عبوووود

الله يخليلك اياهم عبود
وان شاء الله يصيروا يتعلمو ويستفيدو
موفق

تسلم خيتو على المعلومة القيمة تحيتي الك خيتو

يييييييييييييييييييي زكرتيني لما بابا ما كان بيعرف شي على الكمبيوتر اعد معو ساعة وساعتين ائوم من عندو بيعرف الي علمتو وبريحني بيجي تاني يوم وياريتو مابييجي بعد يسال على الي تعلمو ولا كانو تعلمو عنجد كنت كتيييير اعصب بس كنت امسك عصبتي بس هلا الحمد لله صار يعرف على اد شغلو وبس وماما شاطرة ريحت مخها ومخنا اشتركت بدورة الicdlوخلصت حالها
بس انا باخدها قاعدة انو الي بدور لحالو وبتعلم لحالو بضل الشغلة براسو اكتر بعرف حكيت كتير بس الي طلع معي

يسلمو الك كتير

ههههههههه ..

يسلمــو ايـديــكـِ ،،

ويعطيكــِ الف عـافيــة ،،

دمتـِ

يييييييييييييييييييييييييييييي
الحمد لله بابا شاطر على الكمبيوتر وبعلم بلد
وماما ما بتعرف كتير لانها ما عندها اهتمامات بالكمبيوتر كتير

بس لو كانوا ما بيعرفو وهيك صار معي كان ما بعرف شو رح اعمل
كنت رميت الكمبيوتر ما بدنا اياه

يسلمو

يعطيكِ الف عافية ,
بس الحمد لله الوالد بيعرف للكمبيوتر والنت ,,

الوالد بتعرف بس لعبة سوليتير العنكبوت .. :)

والحمد لله عايشين زي الفل .. ^^

الله يوفقكم ويخليلكم اهلكم يا رب
ومعك حق مايا انو الانسان لما هوا يدور لوحدوا
ويبعكشش ويخرب ويرجع يزبط
انو بتضل المعلومات راخسة بعقلو
يسلمو لتواجدكم

ههههههههه
جدا بتصير باكبر العائلات

كل التحيه يا عسل