قصة كورة التنس !!!!

[رفعت]

السلام عليكم ورحمة الله وبركاته
قصتنا اليوم عن شخص نجح كثير بحياته خلينا نتابع قصته سوا

اخونا محمود ابتدا حياتو برياض الاطفال كان ظاهر عليه من البداية النبوغ والتفوق الكل كان متفائل فيه خير
خلص الروضة كان هوة الاول على كل صحابه
روح اخد الشهادة لوالده
والده فرح منه كثير
قله اطلب واتمنى شو ما بدك هدية التفوق
حكاله يا باب انا عاوز هدية كورة تنس
قله ابوه بس تكرم يا عيني وراح شرارله كورة تنس راخ خباها
مرت الايام دخل المدرسة الابتدائي وبالصف الاول كان على درب النجاح والتفوق واخدها الاول برضه اخر السنة جاب الشهادة لابوه
ابوه فرح كثير منه قله اطلب واتمنى يا حبيبي
قله يا بابا انا عاوز هدية كورة تنس
والده بسيطة تكرم وراح شراها واعطاها لابنه وخباها اخونا محمود
مرت الايام ودخل الصف الثاني الابتدائي وبالفعل برضو اخدها الاول
روح لابه حامل الشهادة فرحان وابوه طار من الفرح على تفوق ابنه
قله شبيك لبيك
قله يابابا كورة تنس
راح شرى كورة تنس وخباها محمود
دخل الصف الثالث الابتدائي واقتحم مسابقات المدرسة وكان معجزة اجابات نموذجية
واخر السنة اخدها الاول بالشهادة روح لابوه قله ابوه انت صرت بالصف الرابع الحين شو بدك هدية اطلب
قله كورة تنس يا احلى بابا
ابوه راح مستغرب على المحل وشرى طبة التنس واعطاها لابنه ومحمود خباها
مشى صف الرابع طول وعرض واخونا محمود ما حدا طايل راسه
تعالي يا امتحانات روحي يا امتحانات
ومحمود يوخدها قديش ,,,,,,,,,,,و قولو قديش
الاول جاب الشهادة لابوه
ابوه قله افرك مصباح علاء الدين
قله ما بدي هدية الا كورة تنس
اخد كورة التنس وخباها
دخل صف الخامس الابتدائي وبالفعل مستواه ما نزل بالعكس تحسن اكثر واخدها الاول عالمدرسة
راح لابوه بالشهادة اطلب يا بابا
قله يا بابا يا حبيبي انا عاوز كورة تنس
جابله كورة تنس خباها وبدت المدرسة ودخل محمود الصف السادس
لهو على طول الاول
اطلب يا بابا قله كورة تنس
جابله اياها
هلا بدت مرحلة الاعدادي
دخل الصف الاول الاعدادي واكل الجو واخدها باول سنة اعدادي الاول
شبيك لبيك يا بابا
قله كورة تنس
راح ابوه شرى كورة تنس
واعطاها اله
خباها
رجعنا للمدرسة بالصف الثاني الاعدادي
روحي يا امتحانات تعالي يا امتحانات
اخدها محمود الاول
اطلب يا محمود
بدي كورة تنس يا بابا
جابلو كورة تنس وخباها
دخل صف الثالث الاعدادي علشان ما ما نطولش عليكو اخدها الاول
وطلب هدية كورة تنس
خباها بعد ما شراها ابوه
هلا كبر محمود
سجل بالثانوي اول ثانوي اخدها الاول
ابوه قله انت الحين صرت رجال وشب
واطلب اي حاجة اجيبلك اياها كمبيوتر محمول هيدفون اي شي بدك اياه
قله بدي كورة تنس يا بابا الوالد استغرب
وراح شرى كورة التنسثاني ثنوي نفس الشي
طلب كورة تنس
بالتوجيهي
قرى محمود وقرى وقرى اخدها الاول عالمحافظة
ابوه شافه الحين خلص التعليم الاساسي
قله اطلب شو ما بدك رخصة سواقة موتورون اي شي
قله بدي كورة تنس :)
شرى ابوه كورة التنس وهوة شم فاهم حاجة
دخل اخونا محمود الجامعة وسجل طب ودرس البكالوريس واخدها الاول عالدفعة سبحان الله
جاب الشهادة لوالد
ابوه فرح قله شو بدك تحلاية يا ابني
قله بدي كورة تنس
راح ابوه شرى كورة التنس لابنه
سجل محمود بالماجستير
وكان علامته روعة كثير
ونجح بفترة مختصرة كثير
ابوه اجى يباركلو شو بدك يا بابا قله كورة تنس
راح جابلخه كورة تنس
سجل بالدكتوراه
واخدها وبامتياز
شو هديته كورة تنس
اخد البروفسور وهاي اخر درجة وشوو طلب من ابو كورة تنس
سافر على بلاد برة اخد جائزة نوبل وهوة مروح عالبيت خبطته سيارة وده عالمستشفى
دخلوه العناية المركزة
اجى ابوه بسرعة
طمنوني عليه
قلوله معاه نص ساعة بموت فش امل منه
دخل على ابنه يودعه
قلو يا محمود ما دام انت رايح رايح احكيلي شو قصة كورة التنس
ليش كنت تطلب كورة تنس يا حبيبي
قله انا يا بابا كنت اطلب كورة التنس
علشان ........ علشان ........ علشان...........علشان
ومات قبل ما يحكي
وما حدا عرف ليش كان بيطلب كورة التنس ولا حتى انا كمان بعرف

[farah]

الله يعطيك العافية شو قصة بتنكتب في القصص القاهرة

[lover-shore]

سميت بدني الله يسامحك مع هيك بحكيلك مشاركة حلوه بس انا لسى مقهوووووووووووووووور

[محمود]

ههههههههههه
قصصك بمغصني
لانها ما الها نهاية
ولا حتى تترك للواحد مجال انو يفكر
لانك بتجيبها من المنفى وبتزيد الطين بله وبتحطها في المجهول
مالها اخر

[~ | Mazaj]

آآآآآآآآآآآآآآآآآه يا بطنـي .. مغصتني فــــوق ما انا ممغوصة ..

لسا قصة الورقة كنت عرفاها من الاول .. كانت خفيفة علي المغصة ..

اما هادي اجت بالصميم ؟؟!!!

يسلمــو كتيــر ع القصة اللي بتمغص !!!!

[رفعت]

يسلمو كثير عالمرور
وانتظروا قصة الموز
وحياكم الله
any way

[AnGeLa]

ههههههههههههههههههههههههههههههههههه هههههههههههههههههه ،،

الحمــد للــه ،، إنــو روســانا حكتلــي يــاها ،، ومـا انمغصــت زي مـا انمغصــوا ..

والصــراحة القصــة نكتـــــــــــة ،، مـا تحــرمنــا من هـاي المـواضيــع بالــذات

[اسلام]

الله يعطيك العافية انت بها القصة رفعتلي ضغطي
هو انت لسا بدك تعمل قصة الموز