شرح اعدادات الكاميرا ,, اتفضل ايقــآع ,,,

[أبومجاهد]

السلام عليكم

جهزت شرح مبسط وان شاء الله يساعدكم

على فهم اعدادات الكاميرا ^^

.
.



اهم شي في التصوير الفوتوغرافي اشي اسمو ثلاثي التعريض

الايزو ,,, سرعة الشتر ,,, فتحة العدسة والباقي ملوش لزووم

يعني الي بيفهم الثلاث امور هذه وبصير يعرف يوزان بينهم بصير ملك التصوير

الايزو ISO

هو باختصار الحساسية للضو ,,,

الحين في الكاميرا في قطعة اسمها السنسر (sensor) وهي مهم جدا

هي الي بتستقبل الضوء في الكاميرا ,,, يعني كل ما كان الايزو عالي اكتر من 100

بزيد حساسية الضوء في السنسر يعني بتكون الصور واضحة كتير

بس عيب الايزو انو بيعمل تحبب في الصورة الي بنقول عنو احنا النويز( التشويش )

فيعني ما بفضل انو يكون الايزو اكتر من 100 او 200 الا لما يكون الواحد مضطر بسس زي التصوير الليلي .

فتحة العدسة (Aperture)

بيرمز الها بـF ,, طبعا فتحة العدسة من الامور المهمة كتير

طبعا كل ما زادت القيمة يعني F20 بتكون فتحة العدسة ديقة

وكل ما قل العدد يعني F3.5 بتكون فتحة العدسة واسعة

طبعا استخدامات الاعداد هادا ,, الحين لما يكون عنا مشهد طبيعة

لازم تكون فتحة العدسة اديق شي لحتى تبين كل تفاصيل المشهد

بس لما نكون بدنا صور صورة بوتريه يعني صورة شخصية

زي صورة البنت الي في الموقع بعملها واسعة كتير

علشان نعزل الخلفية .. و لو المشهد بيحتاج اضاءة عالية

برضو بخلي فتحة العدسة واسعة شوية

سرعة الغالق الي هو سبيد شتر ,,

طب كل ما كان الغالق سريع كل ما كان في تجميد للحركة

يعني في صورة البنت الي في الموقع جرب سرع الشتر

شو حتلاحظ انو اللعبة الي في ايد البنت الي بتلف ثابتة وواضحة بشكل كبير

طيب لو كان سرعة الشتر بطيئة حنلاحظ انو اللعبة مش واضحة ومبين عليها الحركة

ايضا لو كان المشهد بيحتاج اضاءة بخلي الشتر بطئ شوية

ولو المشهد فيه اضاءة عالية بخلي سرعة الشتر سريعة ^^

Lighting (الاضاءة)

وهذه عادية فش فيها أي شي

Distance (المسافة )

وفش الها أي تأثير عادية

Focal length (البعد البؤري)

شبه الزوم و بيعمل عمق في الميدان لما تقرب وبساعد على عزل الخلفية اكثر زي فتحة العدسة ,,,

الاوضاع في كاميرا النيكون

AV
تكون فيه الأولوية لسرعة الشتر حيث يستطيع المستخدم تغيير سرعة الشتر وتقوم الكاميرا بختيار فتحة العدسة المناسبة .

TV
بعكس الوضع السابق في هذا الوضع تكون الأولوية للتحكم بفتحة العدسة بينما تقوم الكامير بختيار سرعة الشتر أوتوماتيكيا.

M
الوضع اليدوي في هذا الوضع يكون التحكم بالكامل بيد المصور نفسه وهو الوضع الاحترافي ,,


طيب نرجع لثلاثي التعريض ,,

لو الواحد يشوف المشهد ويمسك الكاميرا ويعمل الاعدادات على هوا المشهد الي امامو

يعني المشهد بيحتاج اضاءة بروح اعلي الايزو المشهد بيحتاج فتحة عدسة ضيقة لانو طبيعة

بس لو انا اعملت فتحة عدسة ضيقة الضوء الي حيدخل على السنسر

حيكون قليل ولو عليت الايزو ممكن تخرب الصورة

بروح ابطئ سرعة الشتر لحتى يدخل ضوء اكثر ويعوض ,

زي هيك الواحد لما بدو يغير في اعداد معين لازم يراعي باقي الاعدادات

لحتى صورتو تطلع كويس وفش فيها أي خلل

طبعا انا بكتب وبحاول ما اتوسع لحتى الامور يكون سهل الاستيعاب

وان شاء الله اكون قربت الفكرة قد ما اقدر

واي استفسار تاني انا جاهز : )

~ | Mazaj معجب بهذا