صراع الأجيال

[رنـــاد]

كل عام وانتوا بخير جميعا

وانا بشكركم كتير كتير كتير على المشاركة وأسلوبكم الاكتر من رائع في الرد والتعبير وحابة أرد عليكم

أولا بالنسبة لكلامة يا مهندس نادر أنا معاك في انه صعب نجد مقياس نتعامل فيه مع كل العصور والأجيال جيلنا وجيل الي قبلنا وإلي بعدنا وصعب نوصل لتكامل الأجيال وزي ما حكيت ان الاسلام دين كل العصور والحل هو الرجوع للاسلام انا معاك في هاي النقطه لو فعلا احنا افهمنا الاسلام صح وطبقناه حنقدر نوصل لنقطة وسط نقدر نتلاقى فيها بين الأجيال

وانت يا ابن فلسطين شيء كتير حلو ان العلاقة بينك وبين والدك اتكون بهاي القوة والتفاهم ان شاء الله بتضلوا هيك على طول بس يمكن لما يكون التعامل معاه بامور انك تطلع مع اصحابك مثلا غير لما يعترض مثلا على نوع دراستك في الجامعه الي هيه مفروض انها مستقبلك انت فاهمني يعني فيه امور معينة بتكون خاصة بمستقبلك انت وانت بحكم انك انساني واعي لمستقبلك وانت الي المفروض بتخططله واتلاقي مثلا معارضة من ابوك وانه فرض عليك دراسة معينه يمكن هون يصير صدام بينك وبينه لما يكون فعلا في موضوع جدي بستاهل فعلا النقاش وعلى اي حال ان شاء الله ما بتوصل لهاي المرحلة وبتضلك دايما على وفاق مع ابوك ويكون راضي عنك دايما

freedam بصراحة عشان مكنش كدابة كلامك نصه مش مفهوم بس نقطه ان الاشخاص الكبار بتكلموا بمنطق انه اكبر منك يوم بعرف عنك بسنة انا بصراحة ما بأيدها لان كل زمن واله ظروفه وضغوطات الحياة الي بتأثر على الواحد كمان فممكن الشيء الي كان بيعمله وبيفكر فيه ابائنا ما نقدر احنا نعمله او نتكيف عليه بالظروف الي بتحيطنا هلا بس برضه المثل بحكي الي ما اله كبير بشتريلها كبير دايما بيكون عندهم وجهة نظر معينه وابعاد احنا الشباب ما بنقدر انشوفها لانه خبرتنا قليلة بالحياة فممكن نستفيد من الي ممكن يناسبنا في حياتنا بس ما تنفرض علينا بس في الاول والاخر احترامه واحترام رأيهم واجب لانهم بيضلوا ابائنا

وتحياتي للجميع ,,,,,,,,,,,,,