« بــراءة عـبـد » ضـيـف { لَـيالِي شـبابُ فـلسطِيـن و ثـرثـرةٌ حُـرة ~

[اسراء ..~]

المشاركة الأصلية كتبت بواسطة برآءة عبد عسل

الله يسعدك يا رب .. أنا حقيقةً بعدني ولا مرة اختلطت معك .. بس أكيد عسل لأنه أنتو كلكم بتنحبوا والي الشرف اني بيناتكم ..

يسلموا
احلى حاجة عاجبني فيكي الصراحة

[برآءة عبد]

المشاركة الأصلية كتبت بواسطة اسراء عشقي مصر وفلسطين يسلموا
احلى حاجة عاجبني فيكي الصراحة:shababsmile240:

مهو هاد الموضوع عشان تعرفوني أكتر .. فكيف ما أكون صريحة وأنا بين أهلي ؟؟؟

[برآءة عبد]

المشاركة الأصلية كتبت بواسطة palestine flower

{ صــبــآح || مـسـآء الـخ ــيــر ~

نـع ــود إلـيـكـم مـن ج ـديـد .. مع ضـيـف جديد :]

فـ رحـبـوآ مـعـي بــ { بــراءة عــبــد }

بـع ـد الضيآفة أجيبي عن الأسئلة التالية ~

- كيفَ كان حالُكَ قبلَ دقائِق ؟

كنت صآحية من النوم .. عآدةً بصحى منكدة ومآ بحب شوف حدا ولا كلم حدآ .. لكن الحمد لله مرتآحة :shababsmile116:


- مَا هُو شُعُورُكَ حينَ تتَجولُ فِي رئِيسيةِ شَبابِ فلسطِين وَ أقسَامِها ؟

أنا من أول يوم فتت فيه هون حبيته .. وحبيت الي فيه .. والحلو أنه إسلامي كل شي فيه مجتمع .. بحس أني بين أهلي وأنا بتجول .. لآ أخفي عليكم .. بالبداية كنت أكرهكم .. ولاحظتوا هالشي .. يمكن لأني حسيت أني غريبة .. وكمان كان في تأثير قوة خارجية .. خلتني أكرهكم .. بس أقسملكم أنه أنا كتيييييير من ألبي حبيتكم .. وبعتزر لكل شخص هون .. وبتمنى تسامحوني .. ^^


- [ بــراءة عــبــد ] فِي أَسطُر ؟

برآءة عبد .. تحدثت عنها بالتفصيل في "موضوع عرفنآ عن حالك " ..
بنت طموحة .. عندها موآهب كتير .. نفسهآ تستغلها .. لكن بحكم العآدات والتقاليد مكبوتة .. بتحب الحياة .. غير إجتماعية مطلقاً .. ما بحب النآس .. بالدرآسة فآشلة .. لكن عندي إصرار لأكمل وأحصل على الشهآدة .. نكدة .. عصبية .. جريئة .. صريحة جداً .. بحكي رأيي وبخفش من حدا .. الي كلمتي بالبيت .. وما بحب حدا يوئف عند رغبتي .. ممكن أعمل أي شي ليجبر الآخرين على الأقتناع بشيء أنا بدي ياه .. بغار كتير .. وعندي للأسف حب تملك ..


- حِكمَة ، مَوعِظة ، أو بيتُ شِعر ، تنطَبِق على شخصِك ، تُطبِقهَا فِي حَيَاتِك أو تُحبُ تردِيدها ؟

الدنيـا "كالـبيـانـو" ..أصابـع بيضـاء..وأصابـع سـوداء ، نحصل على اللحن الجميل عندما نعزف باللونين معاً .


- طُـمُوحاتُك و آهدافُكَ بينَ الحاضِر و المُستقبلْ .. حدثينَا عنهَا ؟

آآآآخ هالسؤآل موجع ..
أنا بنت طموحة جداً جداً .. نفسي أحصل ع كل شي بدي يآه وبسرعة .. مع أنه الحياة بدها صبر ..
طموحي بالحآضر .. أنهي درآستي .. طبعاً أنا درست سنة برمجة حآسوب .. بس حقيقةً وجدت أنه درآستي مش رح تفيدني .. أولاً البرمجة بدهآ ناس مبدعين .. وأنا ما الي طولة بال أضيع وئتي ورا حاسوب .. فقررت أحول تخصصي إلى دبلوم أتمتة وإدارة مكاتب .. السنة الجآي بنهي درآستي فاضلي فصلين ع خير ان شآء الله ..

طموحي بالمستقبل .
. أنا بنت من عآئلة متوسطة .. مآ عشت متل غيري من البنات .. صحيح أهلي كآنوا يأمنوا أشياء وأحتياجات .. بس البنت محتاجة لكتير شغلات .. فأنا قررت أدخل دبلوم .. عشآن أشتغل سنة أشبع نفسي من أشياء أنحرمت منها .. الحمد لله أهلي ما ئصروا معي وما حرموني .. بس أنا بعدني حاسة أني نائصني شي لازم كمله ..
يعني طموحي بس يقتصر على شغلات بسيطة ومش طالبة أكتر ..


- لا بُد و أن لكَ هِواية .. دعنَا نستكشِفها معكْ ؟

الحمد لله رب العالمين .. أنا كتير بحب شخصيتي .. عندي عدة مواهب .. لكن للأسف مكبوتة .. بحكم العادات والتقاليد والدين ..ربنا وهبني صوت جميل .. وكنت بتمنى أني أغني لفلسطين .. وحآولت أسجل ببرنامج عنا بالضفة بيعرضوه ع التفزيون .. بس خفت .. لأنه مجتمعنا ما بيشجع .. وكمآن لأنه البنت الملتزمة بنظرهم بنت فقط للبيت والمسجد .. وهالشي كتير حاولت غيره لكن للأسف .. النظرة واحدة ..

أعشق الكرآتيه .. وبتدرب الحمد لله ..

بحب الكتآبة كتير .. بلائي حالي فيها ..

بأوئات فراغي بحاول أتعلم شغلات تفيدني لبيتي ولأطفالي ولزوجي كمان ^^ .. بفكر كتير بمستئبلي .. لأني بعرف أني مصيري للبيت ..

بعد التخرج أن شآء الله رح ألتحق ببيت الموسيقى .. رح أتعلم على القانون والكمنجة ..


- شَخصٌ أو جِهةٌ تخطُر فِي بالِكَ بِأولِ الفرَح و آخِر الحُزن ؟

عآدل .. شخصية الهآ أثر بحياتي ..

- هلْ تنَاولتَ وَجبةَ إِفطاركَ وحيداً اليومْ ؟ أ مُعتاد عليها أم هِي حالَة طارِئة ؟

أنا بنت منعزلة كتير .. بجلس بغرفتي طول اليوم .. فطوري وغداي وعشاي غالباً لوحدي .. ما بعرف شو بصير بالبيت أبداً .. مريت بظروف خلتني ألتزم غرفتي من أنا بصف خامس ... ولـ الان ما بخرج منها غير للضرورة القسوى .. بتمنى أتغير .. حاولت كتير لكن للأسف .. مآ ئدرت .. حتى مشاوير ما بطلع في ناس من الأهل ما بيعرفوني ^^

- مَا الذِي يدعُو حاجِبيْكَ للتقطِيبِ و العبس فجأة ؟

أنا بنت بسرعة بتدايئ .. لأني بجلس لوحدي طول الوئت .. كتير بتزكر شغلات حصلت معي دمرت حياتي .. فبضل اربعة وعشرين ساعة تعبانة ومخنوئة وببكي .. من جديد عم فوت المنتدى كتير بحاول افرغ ما بنكر كتييير ساعدني لأنسى شغلات .. ^^

- متَى تغارُ بِشدةٍ وَ تُثيرُ القلقَ كفُوهة بُركان ؟
أنا كتير بغار للأسف .. أكتر شي لما شوف ابن أختي بكر بحضن امي .. أنا أصغر بنت لأمي ومدللة وكنت بالليل وغالباً أروح لأمي أصحيها وأغفى بحضنها .. لحتى أرتاح .. طبعاً أمي بتعطيني كتير أهمية لأنه أنا مريت بظروف صعبة .. فوئت اجا ابن اختي حسيت بكره .. مش بايدي .. ولهلأ كتير بحب اقهره رغم صغره .. لكن والله مش بايدي .. اخد امي مني ..

- نـمُرُ جَميعاً بِمواقف مُحزنة آومُفرحة آو مُضحكة ،، حدثـنَا عـنْ موقِف مرَ معـك ؟

موقف صآر معي .. كتير صآر معي شغلات .. بس أكتر موقف هدني .. لما أنفصلت من الجامعة .. آآآآآه أنهد حيلي .. شو صعبة لما الأهل يشوفوا أبنهم بنهد .. وغصب عنهم بيزيدوا عليه .." مش حرام تعب أبوكِ يروح هيك بجهلك " .. مش حخوض بالتفاصيل .. لأنه الظلم مآ بيئدر حدآ يحكي فيه .. !
- الموت ،، الحياة ،، النعيم ،، الجحيم ،، الوداع ،، اللقاء ،، الصداقة ،، الخيانة .. ماذا تعني لَكْ ؟

الموت : ستي ماتت بين ايدي .. شفت الزبد بيطلع من تمها كانت روحي .. وروحي طلعت مني وأنا صآفنة شو أعمل يا ستي ؟؟؟ بزورها وانا مروحة من الجامعة .. حبيبتي كل يوم بتستناني .

الحياة : أنا ..

النعيم : بس برضى الله .. مع أني كتيييير عصيته .. بس ربنا كريم وعمره ما سكر الباب بوجهه حدا ..

الجحيم : غضب الأهل ..

الودآع : صآبرين .. صديقتي .. توأمي .. تركتني وأنا بصف تامن وانتقلت لمدينة تانية .. كانت تترجاني أروح أشوفها عشان تودعني .. بس ما كنت بعرف أنها جد رايحة .. وما رحت ودعتها .. وسآفرت وما عدنا التئينا .. غير بالصدف ..

اللقاء : زوج أختي .. بسام .. الأب الروحي الي .. رباني متل اولاده .. من زمان كتير ما شفته من لما سافر .. بنحكي كتير بس رح أحس بطعم اللقاء بس لما شوفه ..

الصدآقة : إسراء .. ههه مجنونتي بالجامعة .. بغار عليها من الهوا الطاير ..

الخيانة : أنا .. خنت أهلي ..
- رُوح في شَباب فلسطين .. تُصغِي إليها باجتهاد و اهتمام .. تطلُب مِن حروفِها المزيد و المزيد .. من يكون / تكون ؟

ليآل .. بس هي اختفت فجأة .. وأبو مجاهد .. ومحمود .. وعاشقة غزة بتابع أكلاتها هههه بستفيد من خبراتها ..


- تَوقيع عُضو من آعضاءِ شَباب فلسطين أعجبَكْ ؟

كلارا ..

- مِصباحُ عَلاءِ الدين بين يديَكْ .. إِمسح سطحَه و ابتسم .. و تمنَ شيئاً ؟

يا بابا ارضى عني ..

- لديكَ ثلاثة كلمـآت وجههـآ لمَنْ شِئتَ مِنْ الآعضَاء ؟

همه تلاته ببالي .. بس مش ححكي أسماءهم ..

بس الأول : رح أحكيله بالرغم من أنك كسفتني مرة لكن كانت هالكسفة بمحلها .. عشان اكذب شي أنا تعبا راسي منه .. تحية الك .. ( ازا عرف حاله هالشي بيريحني عشان الغي فكرة سيئة نوعا ما عني )

التاني بنوتة : بحكيلها أنا بحبك كتييييييييير وعنجد اسفة اسفة اسفة لاني بيوم فكرتك شايفة حالك وكرهتك ..

التالت بنوتة : كمان كسفتني هههه بس بستاهل وئتها .. بحكيلها سامحيني

الي ببالي يا رب يفهموا وان ما فهموا مو مشكلة .. المهم الكل يسامحني ^^

اووووووووووووف .. ساعة ونص يا مفترية وأنا أجاوب بهدول بس ههههه .. يآ رب أكون ما طولت هههههههه

بعرف حكيت كتير بس والله تريحت بفظفظ

Ňαňα ,Maгaм .. ~ معجبون بهذا

[PaLeStiNe FlOwEr]

التاني بنوتة : بحكيلها أنا بحبك كتييييييييير وعنجد اسفة اسفة اسفة لاني بيوم فكرتك شايفة حالك وكرهتك ..

التالت بنوتة : كمان كسفتني هههه بس بستاهل وئتها .. بحكيلها سامحيني

الي ببالي يا رب يفهموا وان ما فهموا مو مشكلة .. المهم الكل يسامحني ^^

حاسة انو أنا وحدة منهم

المشاركة الأصلية كتبت بواسطة برآءة عبد اووووووووووووف .. ساعة ونص يا مفترية وأنا أجاوب بهدول بس ههههه .. يآ رب أكون ما طولت هههههههه

بعرف حكيت كتير بس والله تريحت بفظفظ

ههههههههههههههه

انت ِ فضفضتي من قلب

//

ما خليتي شي سيء الا حكيتيه عنك ههههههههههـ

مالك هيك ولي ؟

خليك ِ واثقة من نفسك أكتر

ما شاء الله عنك وحدة طموحة هالقد أكيد شخصيتها حلوة

//

راجعة بأسألتي

[برآءة عبد]

المشاركة الأصلية كتبت بواسطة palestine flower حاسة انو أنا وحدة منهم :shababsmile250:


مزبوط يا بكااااشة .. كشفتيني ههه ..أنت ومرآم ^^

أما الأول فأنا بعتبرها مسألة كرامة لهيك ما حكيت اسمه .. ^^

ههههههههههههههه

انت ِ فضفضتي من قلب :shababsmile240:

اه والله من ئلب ..//

ما خليتي شي سيء الا حكيتيه عنك ههههههههههـ

ممم لأنه هاي أنا يمكن فيي صفات حلوة بس ما عرفت أحكي عنها ^^
مالك هيك ولي ؟

خليك ِ واثقة من نفسك أكتر

مممم أنا عادة الكل بفتكر اني شخصيتي ئوية .. بس أنا في الحقيقة شخصيتي مهزوزة .. يمكن بحكم الظروف

ما شاء الله عنك وحدة طموحة هالقد أكيد شخصيتها حلوة :shababsmile116:

واللهِ ليش الكزب .. أنا بجنن وحلوة هههههههههههههههههههههههههههههههههه ..

بمزح يا سوسة .. تسلميلي .. شكراً على ثقتك فيي ^^
//

راجعة بأسألتي :shababsmile226:

هو أنتِ لسآ حتسألي ؟؟؟؟ ههه

[Maram .. ~]

برآءة ^^

اسألتي حتكون عشوائية .. اي سؤال بيجي ع بالي حسألو


* احكيلنا عن حالك شوي ,,

* ترتيبك بين خوآنك ؟

* مكان بتحبي تروحيله كتير ؟

* بتدرسي ادارة اعمال صح ؟ كيفها معك ؟ فتي هالتخصص عن حب ؟

* اكتر مادة بتكرهيها ؟

* كم ساعة بتئعدي ع النت عادة ؟

* الفيس بوك ، الك عليه ؟ ازا لا ليش و ازا آه شو اكتر شي بتحبيه فيه ؟

* مين احلى تويتر ولا فيس بوك برأيك هع

* مممم اكتر حدا حبيتي شخصيته بالمنتدى ؟

* واجهتي صعوبة بالاندماج بيننا بالمنتدى ؟ و كيف حاسة هلا وضعك يعني مبسوطة ؟ ^^

راجعة هع

[برآءة عبد]

صليت العُشا ورجعتلك يا عمري .. ^^

المشاركة الأصلية كتبت بواسطة maгaм .. ~ برآءة ^^

عيونها ^^

اسألتي حتكون عشوائية .. اي سؤال بيجي ع بالي حسألو :shababsmile250:

أسألي الي بدك يآه بعيداً عن الإحراجات الله يخليكِ ههههه .. تراني صريحة ويمكن اعملها واجاوب ههههه الله يرضى عليكي بلاش كسفات ..

* احكيلنا عن حالك شوي ,,

ممم كمان .. ما انا مخليتش اشي وحكيته .. ههههه ..

* ترتيبك بين خوآنك ؟

الصغيرة ..
أحنا 3 شباب و3 بنات .. والحمد لله أنا المميزة بكل شي .. بعنادي بنكدي بعصبيتي بهبلي بجنوني عفكرة ضاربة الارقام القياسية بالغباء هههههه .

* مكان بتحبي تروحيله كتير ؟

جاوبت عنه هالسؤال .. الميجا لاند .. بروحله عشان افرغ عن شوية كبت جواتي ..
وكمان بروح عند ستي ع المئبرة أزورها ..

* بتدرسي ادارة اعمال صح ؟ كيفها معك ؟ فتي هالتخصص عن حب ؟

يا ستي صح .. بدس إدارة
الإدارة فتها بس عشان أنا بدي آخد اياتا شي واخلص .. المهم شهادة .. دوشوني وهمه يحكوا شهادة البنت سلاحها .. بس بعد ما فتتها .. تغيرت النظرة .. حبيتها لأبعد من ما بتتصوري .. الحلو فيي اني بحب الجامعة كتيييير .. وكمان صرت احب دراستي والحمد لله علاماتي الفصل الماضي ما نزلت عن 75 لأول مرة طبعاً ..

* اكتر مادة بتكرهيها ؟

مبادئ إدارة .. ههههه نزلتها مرتين وحملتها وداخلة ع التالتة هههههههههههه .. ويستحيل انجح .. كل علاماتي وحيات الله عالية الا هاي .. حتى رئيس القسم بستغرب مني ..

* كم ساعة بتئعدي ع النت عادة ؟

كتييير بئعد ... بقرأ روايات وبحاول أتعلم انجليزي .. وبفوت ع المنتدى .. ما الي اوئات محددة لاني كل شوي بمسك اللاب بفوت شوي ع المنتدى وبطلع .. وبرجع بفوت وهاكزاا .. بس اوئاااات بشطح كتير هون وبضل ئاعدة ههه لا يمل .. * الفيس بوك ، الك عليه ؟ ازا لا ليش و ازا آه شو اكتر شي بتحبيه فيه ؟

الفيس بوك من شهر كان الي عليه ههه .. لغيته عشان اهتم بحالي أكتر .. لأنه أنا صارت معي شغلة ففيكي تئولي بطلت متل اول البس وازبط حالي وحتى الناس بعدت عنهم والتعب بين على عيوني وحالتي حالة .. فقررت الغي الفيس وارجع اهتم بنفسي واشوفلي اشي مفيد لانه الفيس مساوءه اكتر من فائدته . .. اكتر شي كنت حبه الصفحات الي بتكون لأشخاص كتاب .. ما بحب اقرأ لاي حدا .. بحب اخد الكتابات من مصادرها ..

ملاحظة صغيرة : أحسن لا يروح فكركم لبعيد .. الشغلة الي صارت وبسببها تركت الفيس مش بخصوص قصة حب او ما يشابه هههه .. لأنه كتير ناس بتفكر هيك ..

* مين احلى تويتر ولا فيس بوك برأيك هع

الفيس .. الي حساب ع تويتر بس ما بيفتح النفس باااااااااااايخ ..

* مممم اكتر حدا حبيتي شخصيته بالمنتدى ؟
الكل والله ..

* واجهتي صعوبة بالاندماج بيننا بالمنتدى ؟ و كيف حاسة هلا وضعك يعني مبسوطة ؟ ^^
اه كتير حسيت بصعوبة .. كنت احسكم اسرة وحدة والغريب بيناتكم بصعوبة بتستئبلوه .. بس هلأ لأ .. كتير مبسوطة عشاني هون وبالعكس بشوف حالي لما حدا جديد يفوت لاني انا جيت من أبله غريبة أنا صح ههه :shababsmile116:

راجعة هع

Maгaм .. ~ ,Ňαňα معجبون بهذا

[برآءة عبد]

مرووومتي ... بالأول حجاوب أسئلة أبو الجماجم .. ورآجعلك يا عسل ..

بس أما شو أسئلتك ناااااااااااااااار ..

Maгaм .. ~ معجب بهذا

[Maram .. ~]

صريحة كتير براءة

حبيت هالشغلة فيك ِ ^^

متآبعة بشغف :)

[برآءة عبد]

المشاركة الأصلية كتبت بواسطة maгaм .. ~ صريحة كتير براءة

حبيت هالشغلة فيك ِ ^^

متآبعة بشغف :)

ههه تسلميلي .. مهو شوفي مش حلو الواحد يحكي عن شخصية مش شخصيته لحتى الناس تفكره ملك ..

انا بحب أبان ع طبيعتي عشان محدش ينغش فيي .. وهيك أنا ع الطبيعة يعني مش بس هون ... الي بألبي ع راس لساني ..

Maгaм .. ~ معجب بهذا