**يلا نتعلم اجمل الفنون جلتر وكونغ فو مع شذى الياسمين **

نيجي للمهم وركزو معي منيح في الخطوات التالية
1- شايفين الصوورة بيظهر فيها اللير اللي احنا كتبنا النص عليها
ومحددة بلون أزرق بنحط الماوس عليها





وبنعمل عن طريق الكيبوورد الخطوة التالية
Ctrl + j
بنكرر هاي الخطوة تلات مرات عن طريق الكيبورد
في هاي الحالة بنكون عملنا نسخ للير اللي عنا تلات مرات
وهاي خطووة مهمة جدا
شوفو شو بيظهر عنا





بعدا ما نسخنا الطبقة الرئيسية انتبهو معي لشغلة في هاي الصوورة




المربع هادا تاني مربع موجود
هاي الاشارة معناها اضافة لير جديدة
لانو احنا هلا بدنا نعمل عند كل نسخة عملناها
نضيف لير او طبقة فاضية لانو هاي الفكرة الرئيسية للجلتر
كل طيقة نسختها عندي بدي اعمل مقابلها طبقة فاضية او فارغة
هلا بنختار النسخة الاولى
وبنضغط على اضافة لير برجع بحكي من الصورة المحددة بالمربع الاحمر

تابعو معي بالصوور (1)
حددنا النسخة الاولى واعملنالها اضافة لير جديدة فوقيها فاضية



(2)
بنحدد بالماوس النسخة التانية وبنضيفلها كمان لير



(3)
بنحدد كمان مرة النسخة التالتة وبنضيفلها كمان لير





---

هلا الملاحظة المهمة لما احنا نفك الجلتر عن طريق الايميج
احيانا ما بيكون بس تلات طبقات احيانا بيكون خمسة او عشرة ..الخ
وعلى عدد الطبقات اللي بينتجو عنا لما انفك الجلتر
بدنا ننسخ اللير اللي كتبناها عن طريق كنترول + حرف جاي بالانجلش
وكمان نحطلها ليرات فاضية عند كل قطعة بننسخها
متل الخطوة السابقة يعني

بعد ما اعملنا نسخ للاسم اللي كتبناه واعملنا طبقات فاضية

بدنا نمشي بالخطوات التالية بالترتيب

1- بدنا نشيل رسمة العيوون الموجودة جنب كل نسخة مع طبقتها الفاضية
عن طريق كبسة ماوس على صوورة العين
بس بشرط انو لازم نخليها بس على نسخة وحدة وطبقتها
شوفو شو لازم يتم عندكم بعد ما تشيلو العيوون



2- هلا انتبهو معي شو بدنا نعمل اما بنختار
edit >>>> fill

وبيظهرلنا الصورة التالية او عن طريق الكيبورد مباشرة
Shift + F5
في كلا الحالتين بيظهرلنا التالي عشان نختار الباترن اللي عرفنا في الدرس التاني

انتبهو هدول هما الباترن اللي عرفناهم باشكالهم
كل مرة بدنا نختار واحد منهم هلا احنا اخترنا الأولي مثلا ولازم تركزو انتو اخترتو اي وحده


3- شوفو شو بيصير للنص اللي احنا كتبناه
بعد ما اخترنا الجلتر رقم واحد


صارت كل الصفحة جلتر وراحت الكتابة يا للهول
ما اتخافو هاي مش كارثة ولا بسكوت هاي جلتر

4- عشان يظهر الجلتر فقط على الكتابة اللي احنا اعملناها
بدنا نعمل شغلة عن طريق الكيبورد وهيا
Ctrl + g
كنترول + حرف جي
شوفو النتيجة


انتبهو لهادي الصورة شو صار فيها لازم نحددهم الاتنين نضغط عالاولى والتاني
وشغلة مهمة يا جماعة الفرشاة اللي بتظهر في الرسم لازم تكون جنب الطبقة الفاضية



5- هلا صار عنا ربط اولي بين النسخة اللي مكتوب عليها اسمنا
وبين اللير الي كانت فاضية زي ما شفتو في الصوورة فوق
هلا بدنا نعمللهم التنتين دمج مع سوا عشان يصيرو صوورة وحدة
عن طريق الكيبورد
Ctrl + e

شوفو النتيجة النهائية لطبقة الاولى

6- بتعرفو هلا شو بدنا نعمل بدنا نشيل العين عن الطبقة اللي نتجت عنا
ونختار النسخة التانية وطبقتها الفاضية اللي موجودة فوقيها
وشغلة مهمة يا جماعة الفرشاة اللي بتظهر في الرسم لازم تكون جنب الطبقة الفاضية
شوفو كيف الصوورة وركزو بالصوور منيح لانهم بيشرحو اكتر من الحكي



7- بدنا نعمل fill كمان مرة ونكرر نفس
2,3,4 الخطوات
وبصوورة سريعة ومباشرة وسهولة تطبيق وكلو عن طريق الكيبورد شوفو كيف

-1-
Shift + F5
بنختار رقم 2 من الجلتر


-2-
بنعمل Ctrl + g



-3-
Ctrl + e


8- هلا بدنا نشيل العين عن الطبقة التانية اللي جهزتها
ونحطها على النسخة التالتة وطبقتها الفاضية نفس الخطوة اللي اعملناها
في رقم 6 من الخطوات لكن هالمرة بنختار النسخة التالتة وطبقتها

9- بنطيق الخطوات الماضية بالزبط
Shift + F5
بنختار رقم 3 من الجلتر
10 - هلا بنعمل Ctrl + g
Ctrl + e
وبيظهر عنا الجلتر بصوورتوو النهائية
كالتالي

بعد ما جهزنا الجلتر وعملنا اسمنا بتلات طبقات مختلفة من الجلتر
بدنا نحركها كيف الاجابة طبعا عن طريق الايميج ريدي

وطبعا بما انو احنا هلا في الفوتوشوب لازم ننتقل للايميج ريدي
ومن مسطرة الادوات الظاهرة عندكم بنختار الصورة التالية وبنستنى شووي




رح يظهر عندكم الصوورة التالية





وهلا مشو معي بالخطوات اذا مو ظاهرة الصورة السايقة عندكم اعملو التاني
1- بنختار من القائمة فووق
widow >>>>>Animation


2- رح يظهر عندكم المربع التالي




شايفين في جواها سهم
اضغطو عليه بيظهر عدة خيارات
واختارو منها مكان السهم ما هوة موجود
Make Frames From Layers



شوفو شو بيصير بعدين


اللي صار ظهرت التلات طبقات اللي احنا اعملناهم
في الفوتوشوب

3- هلا بدي تركزو بالدرس الاول انو سرعة الجلتر لما فكيناها كانت 0.11 من الثانية
طبعا لازم نعملها هلا للطبقات اللي عنا
والطريقة بسيطة شوفو



على الرقم واحد
كبسة بالماوس باليمين بيظهر عنا
خيارات بنختار منها مكان السهم
Restore to background
(2)
بيظهر عنا الشكل التالي
بنضغط مكان السهم بالزبط



هلا من الخيارات الزمنية اللي طلعت بنختار
other



(4)
بنكتب بالمربع يلي بيطلع عنا الوقت 0.11


(5)
بنكرر هاي العملية مع رقم تنين وتلاتة
وبنخلي الوقت عندهم 0.11


4- بعد ما زبطنا الوقت بتقدرو تعملو play
وتشوفو الجلتر وهوة جااهز


5- اخر خطووة التخزين
file >>>> Save Optimized As


بتخزنوو باي اسم بدكم اياه
وبتسكرو الفوتوشوب وبتسكرو الايميج ردي
وبتسكرو هاي الصفحة لانو انتهى دورها معكم

حملو الصورة مكان ما خزنتوها على النت من اي موقع
رح تطلع النتيجة معكم كالتالي




اسفة انو طولتا عليكم
وشرحتلكم الدرس كامللا
بس انتو شوى شوى حتصيرو مبدعين
وانا عندي كمان عدهافكار راح اطرحها عليكم
وراح تنبسطو كتير بس انتو جربو هلأ اول شي
وبعدين بنبدع مع بعض بافكار جديدة وهيك

وصرتو هلا قادرين تعملو اي اسم جلتر

وتوتا توتا خلص الدرس اللي فعلا تعبني كتير كتير لحتى جهزتو
وتعبكم راحة بس اهم شي
بتمنى اشووف تطبيقاتكم على درووس الجلتر
والاقي المنتدى بيضوي بابداعاتكم

يا رب ما اكون غلبتكم واي شي انا جاهزة لاستفساراتكم
رح كون معكم بث حي ومباشر
واهم شي هادا الدرس حقوق الطبع محفوظة
لمنتديات شباب فلسطين

بس انا الى ازعجنى هوا حجم اسم شذى الياسمين

المفروض يطلع اصغر بس ماعرفت شو اعمل الحجم بالزبط

بس هلأ عرفت بتعملوة 300*200

اختكم
شذى الياسمين

مشكورة ويعطيكي العافية اخت شذى ،،،

واذا في دورات كونج فو تانيات يا ريت تبلغينا ،،،

المشاركة الأصلية كتبت بواسطة القلعة الأخيرة مشكورة ويعطيكي العافية اخت شذى ،،،

واذا في دورات كونج فو تانيات يا ريت تبلغينا ،،،

هلا لاشكر على واجب
ممممممم كانبودي اشوف شغلك
بس شكلو ماحدا مهتهم بالدورة من قبل الاعضاء
على راحتكم :)
انا عملت الى عليا
واذا حابين اكفي ان شاء الله حكفي بس خلوني اشوف شغلكم كمان
وان شاء الله ببلغكم اخي بس لاقي دعم :) معنوي على القليلة

شذى يسلموووووووووووووووووووووو

هاي اول تجاربي ..^^..

عشان تعرفي اني طالبه نشيطة ..



حلوة ولا لأ ؟؟

لك الله يرضي عليكي ياهلين
والله العظيم اعطيتيني تفائل وامل
انو في حدا معبرني وعم بتابع معي
ومن شان هيك انا راح اكفي شرح واشرح شغلات موسعة اكتر
بس لخاطر عيونك مع انو ما كنت ناوية اكمل لانو ماحدا متابع معي :(
عموما ان شاء الله بكرة بكمل الشرح
بالتوفيق
ويلا بكرة بتصيري مبدعة وكل المنتدى بيضوي جليتر