.{ غباء و تفاهة الفلسطينيين .. ؟؟

عنوان مستفز صح ؟

يمكن تتسائلوا شو مالها هاي !

انجنت .. مش نور الهدى اللي بنعرفها << للي بيعرفوني طبعا لاني يا حرام مش مشهورة

الشيء الاكيد اني حصير مشهورة بهيك عنوان .. و رح تحبوني كتير

لأني بجد حنكشف على حقيقتي مثل كثير اعضاء عم ينكشفوا



لا بجد

انا بحب الفلسطينية ..

الهدف اعمق من هيك

//

قبل كم يوم شفنا مواضيع .. فيها نوع من الاستهزاء بالجنسيات التانية .. الغير فلسطينية

شي موضوع عن السعودية .. و التاني عن المصريين و مدري ايش كمان ..

المشكلة هي انه بجد .. هيك مواضيع بتجرح

و لو انه القصد منها المزح ..

و بطريقة غير مباشرة .. بتدل على نفس عنوان موضوعي هادا .. و ان لم تكن بنفس العبارات



طب ليش لما بتنزل مواضيع مسخرة ع الشعوب التانية الكل بضحك و بفرفش .. و لما توصل للفلسطينية هون خط احمر ؟

منطق غريب


//

ممكن تبرير ردود الفعل هاي بانه الفلسطينية حاسين بانه العرب خذلوهم .. و انهم بعانوا كتير فبصيرش نتمسخر عليهم كمان ..

بس بهاي الحالة بكون في ظلم للناس المش فلسطينية .. و الي لو باديهم كان قدموا الغالي والنفيس

الاستهزاء مرفوض .. دينيا و اخلاقيا .. فليش بنستهزئ ببعض و بنجرح بعض بدعوى المزح ؟

//

كمان احيانا بنشوف تواقيع من نوع .. طنش كل الناس وادعس على اكبر راس .. لانك فلسطيني و مدري شو

ليش يا اخي ؟؟

انتوا مش ملائكة و ما في شي يبرر هيك كلام !

//

بس رجاء :

ما تصغروا قضية فلسطين و تخلوها وطنية .. لانكو حتظلموها ..

و هاي القضية .. على الصعيد الاسلامي ككل .. كلنا مسؤولين .. وفلسطين بلد كل المسلمين - بلد المليار مسلم -



اه بالنسة للعنوان نسيت احكيلكم .. تزعلوش مني

والله انكو احلى ناس

بس حبيت استفزكم

و اخدت الموافقة من فوق كمان و عندي الدليل << للي مش مصدقني


//

بانتظار آرائكم

ياسلام عليكي يانور

ياريت الكل متلك

والله موضوعك بوقته

وكلامك صحيح بالمية

لا الفلسطينية ملايكة ولا غيرهم ملايكة !

وفش شعب كامل .. ففش داعي نهاجم بعض ونسبب تفرقة وحزازيات بينا سوا بالمنتدى او بالواقع


وبالنسبة للعنوان..خليه قرصة للي راحوا يضحكوا عالموضوع اللي بهاجم المصريين والسعوديين

وتنبيه لغيرهم ..والاهم توصيل رسالة



انه احنا مسلمين وكلنا سواسية

وفلسطين اسلامية و على كل مسلم تحريرها

والنصر لأمتنا منا كلنا لا من الفلسطنين لوحدهم ولا من غيرهم لوحدهم




يعطيكي العافية :)

:i

شو هل العنوان الرومنسي هادا


والله سميتي بدني بالاول

بس لاحلو الموضوع ومعك حئ بس لو كان العنوان

غباء وتفاهة بعض الفلسطينيين بكون البئ

ماراح اعلئ كتير بس بحباحكي انو الشخص فلسطيني ولا مصري ولا سعودي

مش بنحكم عليه على الجنسيه اهم شي اخلاقو

{ان اكرمكم عند الله اتقاكم }

كل بلد فيها المنيح وفيها التافه والغبي

مابخلى الامر

لازم الغباء بكل بلد


وكمان شغله مانخلط بينالحكومه وبين الشعب كل واحد الو اراء مانكره شخص عشان حاكم بلدو

عمل هيك نروح نحكي كل الشعب مابفهم !!


ازا هيك بنكون احنا اول ناس مابنفهم واغبياء و حمـ ...

بما انو عباس افندي تيسنا ئصدي رئيسنا


يسلمو اديكي ياعسل

موضوع حلو خصوصي في اكم من موضوع هل اليومين نزلو بهل العناويين

بنت فلسطين المجروحة

الله يعافيكي حبيبتي ..

و الله يجزاكي خير على ردك :)

اسعدتيني .. و مش مشكلة لو ثبتي الموضوع .. بكون احلى

//

المشاركة الأصلية كتبت بواسطة sweet soul :i

شو هل العنوان الرومنسي هادا


والله سميتي بدني بالاول

بس لاحلو الموضوع ومعك حئ بس لو كان العنوان

غباء وتفاهة بعض الفلسطينيين بكون البئ

ماراح اعلئ كتير بس بحباحكي انو الشخص فلسطيني ولا مصري ولا سعودي

مش بنحكم عليه على الجنسيه اهم شي اخلاقو

{ان اكرمكم عند الله اتقاكم }

كل بلد فيها المنيح وفيها التافه والغبي

مابخلى الامر

لازم الغباء بكل بلد
وكمان شغله مانخلط بينالحكومه وبين الشعب كل واحد الو اراء مانكره شخص عشان حاكم بلدو

عمل هيك نروح نحكي كل الشعب مابفهم !!

ازا هيك بنكون احنا اول ناس مابنفهم واغبياء و حمـ ...

بما انو عباس افندي تيسنا ئصدي رئيسنا


يسلمو اديكي ياعسل

موضوع حلو خصوصي في اكم من موضوع هل اليومين نزلو بهل العناويين

ليش غباء بعض الفلسطينيين

خليه زي ما هو

لازم نعمم مثل ما المواضيع التانية كمان كان فيها تعميم :)

بحب العدل انا

هو اضح انه الموضوع استفزك هذا يل ان نجحت في تحقيق هدفي .. خخخ

ما تزعلي حبيبتي

كان بدي بس توصل الفكرة بشكل عملي اكثر :)

//

نورتي بمداخلتك



وردة لعيونك

صــــراحـهـ المــــوضوع جــا بــوقتـــهـ


والعــنوان صــدع راســي قبــل مــا اشوف المـــوضوع


الـــمواضيــع اللي نــزلت هالــيومين ســواء عالــمصــريين او الســعوديين مــا اســاءت لهــم ابــدا مــا

اســاءت غيــر لكــاتب المـوضــوع وبـــعدين احــنا مــايصــير نحــكم عالشــخص غيــر باخــلاقــهـ مــو نجــي

نحـــاسب شعــب كــامل ونســيئ لــهـ بــالفــاظ بذيــئهـ بســبب افـــعال بعــض الجــهلــهـ من ابـــناء بـــلدهـ وكــل بلـــد فيـــها

( الــــزين وفيـــها الشـــين )<< لغيــر الناطقيــن باللهجــهـ الســعوديه (الجــيد والسيئ)

واخـــيرا يعــيكـ الــف عــافيــهـ نــور الهــدى اخـــتيار مــوفق للـــوقت والعنـــوان الجـــذاب

كـلام 100%

كفيتِ و وفيتِ

مـا قصـرتِ أختي نـور الهـدى

الله يحفظك .. يـا رب

جـزاكِ الله كـل خيـر

إن شـاء الله الكـل يستفيد من هـل النقطة المهـمة ~


تحيتـي لكِ

و الله عند ما شفت الموضوع قلت مين هاللي رامي حالو عالموت

وقعت مع فلسطينية

مشكورة عالموضوع

كمان احيانا بنشوف تواقيع من نوع .. طنش كل الناس وادعس على اكبر راس .. لانك فلسطيني و مدري شو

ليش يا اخي ؟؟

كبرت في راسهم هههههههه

ممكن يا اختي يكون الدافع من وراء ذلك ليس المس في سياسات الشعوب أو أفراد الشعوب
فعند نزول موضوع عن مثلا السعودية ، فطبيعيا أن السعودية تتكون من عدة طبقات ، الطبقة الحاكمة ، ما دون ،
فما دون ، فالشعب .!
والشعب كذلك أصناف ، فئة باعت القضية الفلسطينية ، فئة مازالت قائمة على عهودها ، فئة لا تهتم ..!

فالمشاهد الفلسطيني للوضع العربي جعله يأخذ انطباع عن أن معظم الشعوب العربية شعوب خائنة ، شعوباً
رخيصة ، باعت كرامتها وابتغت العزة بغير فالله ، فالله أذلها !.

فعند نزول موضوع يمس مثلا السعودية ، مصر ، ..الخ أعتقد أنه لا يقصد فيه الجميع ، لا يقصد فيه جميع طبقات الشعب
نعلم جيداً أن هناك أناس ما زالت قلوبهم معلقة بالقضية الفلسطينية تعلقاً كبيراً ويحتضنونها بكلتا يديهما ولكن يقصد
الفئة المأجورة التي تتعاون مع أعداء الإسلام تحت لباس الإسلام وتدعي الإسلام !.

وكما قالوا :" الحسنة تخص والسيئة تعم "

^^

اخــــوي شهيــد غــزهـ المــوضــوع اللــي يتعــلق بالســعوديــهـ ذكــرت فيــهـ كلمــــهـ بــذيــئهـ وهالــعضــو قــال شعــب الســعوديــهـ كــذا لم يقصــد طبقــهـ دون غيــرها :المــوضوع بعيــد تمــامــا عــن الســياسهـ فقــط للتــــوضيــح ::

أول شي :: شكرا لكِ ع الموضوع لأنو فعلا إجى بوقتو ..^^

تاني شي :: انا حابهـ أستغل الفرصهـ ..

و أحكي يلي صار معي إمبارح واليوم ..

هادا يا ستي إمبارح أختي كانت عم تحكي مع صحبتها ع المسن ..

والبنت يلي عم تحكي معها سعوديهـ ..

فجأهـ هيك وبدون اي سبب بلشت تسب بفلسطين ..

وتحكي حكي شروي غروي ..

مرهـ بتقول : .... زلا اقولك بلاش أعيد الحكي الرزيل تبعها

لأنو بجد كلام بنرفز وبيرفع الضغط وبيجلط كمان

بس زي ما حكيت

أنا مش حعيد كلامها الرزيل يلي حكتو ..

بس طبعا أنا ما قصرت فيها ..:ang19:

و أعدت بدل أختي وعطيتها اللازم ..

المهم من هادا كلو ..

هو السبب يلي خلاها تحكي هيك ..

في ناس بيزعمو إنهم بحبو وطنهم ..:ang122:

وعشان يعبرو عن حبهم إلو ..:ang41:

بيتهجمو ع الجنسيات التانيهـ >> و خصوصا ع الأجانب يلي عايشين معه بنفس البلد <<:ang137:

فلما يحكو معك ببلشو يسبو ببلدك و بقولو بينهم وبين حالهم :: ما دامها عايشهـ ببلدي مش حتسرجي تسب بلدي :ang6:

لأنو ممكن تنطرد ..

بس أنا حتى لو سبيت ع بلدها ما بنطرد لأني وثيقهـ

بس طبعا بكون ناكرهـ للجميل إزا سبيت البلد يلي إنولدت فيها و تربيت وتعلمت .. إلخ

لزالك أنا بشوف إنو فعلا الواحد مش لازم يحكم على الشعب كلو مرهـ وحدهـ ..

لأنو أغلب يلي مخربين الدنيا نمازج بتعكس صورهـ سيئهـ عن بلدها ..

و هم يلي لازم ينحكى عنهم مش بلادهم ..

وفي الختااااام ^^

بقول لنور الهدى

اللهـ يعطيكِ العافيهـ يا عسولهـ ع طرحك المميز ..

ما ننحرم منك ولا جديدك ..