مصمم تحت الاضواء .. سؤال وجواب .. ((=

يسعد مساكم مساء الرياحيين


فكرة خطرت ببالي من وحي اسالتي الكتيرة في الفوتوشوب

شو رايكم بـمصمم تحت الاضواء

مو شرط نقول هالاسبوع لـ فلان ... لأ

اي مصمم عنا يتفقد الموضوع اول ما يفوت المنتدى وازا بقدر يجاوب ع الاسئلة يجاوب

كل واحد فينا واصل لمستوى معين بالتصميم .. فشو رايكم بتبادل ثقافات ومستويات

لحتى نتعلم من بعض ..


انا رح ابلش .. لأن في سؤال بحيرني كتير ..

لو انت كـ مصمم حابب تعلم حد التصميم

ع الفوتوشوب طبعا


برايك شو اهم شي يتعلمو .؟؟ وبشو بتبلش ؟؟

في تطبيق او اداة معينة لازم لازم كل مصمم يعرفها ؟؟

طبعا الفوتوشوب بحر وعالم كبير برايك شو اهم شي فيه ؟؟



بانتظار رايكم .. وردودكم الحلوة

ودمتم ساالمين يا احلى مصممين



(=

موضوع جميل للغاية :)
بحق احنا بحاجة لنتبادل الخبرات ، لأنه فش فينا احترافيين
لساتنا بنتعلم ..~

لي عودة للأسئلة ^^

برايك شو اهم شي يتعلمو .؟؟ وبشو بتبلش ؟؟

في تطبيق او اداة معينة لازم لازم كل مصمم يعرفها ؟؟

طبعا الفوتوشوب بحر وعالم كبير برايك شو اهم شي فيه ؟؟

طبعاً اهم شيء بعطيه فكرة عامة عن الفتوشوب
شو هو ؟ طبيعة العمل فيه ؟ مجالاته ؟ ومن هيك امور
وبعدين اكيد بدخل ع الادوات و من ثم بقوله ابحر لحالك هههههههههههه

بحآجة لهكذا مواضيع :)
يثبت ~

فكرة الموضوع رائعة
وتستاهل التثبيت
لانه اكيد كثير راح يستفيدوا وانا اولهم
بس للاسف ما اقدر افيد حدا
لنه خبرتي قليلة جدا هاي اذا ما قلت منعدمة

وان شاء الله بتعلم معاكم
يعطيك العافية

فكــرة روعـــة كتيــــر وبتفيــد الجميـــع ،،،

وان شاء الله بنفيد وبتسفيد بنفس الوقــت ،،،

بوركت اخت ريحــانة ،،،

متــآبعيــن ان شــآء الله

:)

باختصـــار شديد بالنسبة للفوتوشوب ....

للي بعرفو انا اهم شي في الفوتوشوب قبل الفكرة والمواد والامور هذه ،،

توفر الرغبــة عند الواحد ،،، قدرة ع التحمل انو يشتغل ع البرنامج لفترات طويلة زي ما ذكر المصمم العالمي سميث

مش يقعد ربع ساعة يقرف حالو ،،، الامر بدو صبر وكل ما طول الشغل كل ما كان الاخراج افضل

بعدها الفكرة ،،، بالنسبة الي انا اذا كانت فكرة التصميم واضحة وسهلة جدا

لاي واحد انو يستخرج الفكرة بسرعة فبكون التصميم نوعا ما مش ناجح ،، يعني التصميم الممتع

لازم يكون في نوع من التشويق والغموض لحتى يجبر الواحد انو يتأمل فترة اطول في العمل

ويكتشف الجماليات و اللمسات الفنية في التصميم ،،، من الاخر فكرة التصميم بتكون ناجحة

لما تكون واضحة ومش واضحة ،،، واهم شي عندي انا في التصاميم البساطة

احيانا الواحد بنحكم انو يكثر عناصر في التصميم ع هوا المعطيات بس دائما بميل وبحب التصاميم البسيطة جدا

بحس فيها متعة اكثر من التصاميم الزخمة و عناصرها كثيرة ،،

يعني تصميم بسيط جدا استغرق المصمم في عمله من ساعة لساعة ونص

تصميم ثاني استغرق شغلو 5 ساعات متفرقة مثلا بس فش وسع اتحط رجلك في التصميم

من كثر العناصر للي فيه ،، انا بفضل التصميم البسيط رغم انو مش متعوب عليه بس ممتع و راكــز


هي مثــال على التصاميم البسيطة لمصمم صديقي لم يدرس التصميم ولكن هواية ،،،.
.
.




.
.
.
مع انو التصميم فاضي لكن لبساطته وقوة فكرته تم اختياره البوستر الرسمي لندوة بعنوان : " تحكم في حياتك " التي أقيمت في جامعة بريمن الألمانية ،،،





طبعا كل هادا حسب رأيي ووجهة نظري :)

كلام سليم يا بلال
كتير من اصحاب اعلمهم على مبادئ الفتوشوب لكن سرعان ما يمل ويزهق
ويقولي روحي طلعت وبديش اكمل !

وحتى أنا في بداية مشواري كان قبل 3 سنين ، اخدت دورة مبتدأ وبعدها سبت
المجال هادا مدة طويلة وهيني رجعتله وشيئا فشيء ..

في الواقع انا صفر في التصميم لكن بحاول أطور قدراتي :)

والله يا محمود بالنسبة للدورات ع الفاضي

انا هيني الحمد لله بشتغل فوتوشوب بس لا درست فوتوشوب ولا اخذت دورات في اي مكان

كل القصة هواية مع متابعة يعني انا بدأت اشتغل ع الفوتوشوب من الاعدادية يعني قبل 7 سنوات

ويوم عن يوم الواحد بكتسب خبرات اهم ما في الموضوع الثقة والتخبيص في البدايات

وبعد هيك بعتقد الامور بتصير اوضح واسهل ع الواحد ،،،

وانا لو بعرف في اي مؤسسة من السلك للسلك بتعطي دورة مفيدة لغير اسجل من اليوم

بس كلو ع الفاضي في حدا بعطي زي الناس عنا لا فوتو ولا غيرو

شكرا شهيد ع التثبيت واطرائك (=

طبعا اكيد نحنا بحاجة لتبادل خبرات

لأني دايما بلاقي صعوبة بالتعلم .. ما بلاقي حد يعطيني الصافي

بسال بس ما بلاقي الجواب الشافي

وهون كتير بتهتمو بالتصميم .. واكيد كلنا ما وصلنا درجة الاحتراف

فممكن نساعد بعض خطوة خطوة لنوصل شبه الاحتراف ع الاقل

شكرا كتيييييييير شهيد ع اجابتك اكيد الادوات شي مهم

بس بعد الادوات شو ؟؟؟

((=