مسابقة // 62 .. بكميرتي ~ ..

[PaLeSt!Ne SouL]

مشاركة باذن الله

يعطيكم العافية

[أبومجاهد]

مش شرط انك تكون عايش بفلسطين علشان تشارك

بقدر اي واحد يجيب ثوب فلسطيني وكوفية

و اي شي بتعلق بفلسطين ويرسم لوحة معبرة بالكاميرا

[لالا-فلسطين 48]

مرحبا،


شهيد..

يعطيك الف عافية.. كتيييير كنت بتمنى انو ابادر او يكون مبادرات لهيك موضوع في يوم النكبة..

بس شكلها امنيات عابرة، يصعب تحقيقها هون ولكتير اسباب..


أولا: ازا بتلاحظا عنا بالـ 48 بحييوا ذكرى النكبة مش بتاريخ 14.04، يعني حسب التاريخ الميلادي..

وانما بحييوا ذكراها يوم عيد استقلال دولة اسرائيل، يعني حسب التاريخ العبري..


اكيد لهالشغلة في ايجابيات وسلبيات..

سلبياتها انو من شأنها تعمل ضباب وغباش قدام الجيل الصاعد فيما يتعلق بتاريخ شعبه.. ويمكن تنتج حالة اللي ما فيها وعي ومعرفة كافية ليوم النكبة (على الاقل)..

وضع كالمذكور اعلاه ممكن جدا ان يسود في ظل سيطرة واستفحال سياسة التجهيل والطمس واللتان تمارسهما الحكومة الاسرائيلية بشتى الاشكال وفي مقدمتها تغييب الكثير من الحقائق والصور فيما يتعلق بشعبنا في المناهج المدرسية.. والحبل على الجرار.. فألوان الممارسات يصعب حصرها!


أما ايجابيات احياء ذكرى النكبة في اليوم اللي بتحتفل فيو دولة اسرائيل بعيد استقلالها، فتكمن في تذكير العالم ان الاحتفال بيوم استقلال دولة اسرائيل يتم على انقاض الدولة الفلسطينية.. واكيد صعب كتير يكونوا اللي حولينا بحتفلوا بعيد الاستقلال في المقابل الفلسطينية في الـ 48 قاعدين وبتفرجوا عليهم...

لا بد انه يكون نشاطات وفعاليات في هاليوم.. في كتير بدعي انو نشاطات عابرة مش رح تغير من الوضع غير نبكي عنكبتنا بهاليوم.. ويمكن بس بهاليوم..

لس برد عهالاشي انه نتزكر احسن من انه تروح الزكرى هيك.. لاني بآمن انها الها دور كبير في زيادة وعينا القومي.. وبالنسبة للتغيير تراكم الذكريات ممكن جدا انه يشحن نوايا بل وبواكير التغيير.. وكمان خلقة الله سياسة التجهيل عم بتنتشر بفضل قوى بعض اصحاب النوايا السيئة والخبيثة والخطيرة.. وكمان الزكرى ننساها.. كيف بدو يصفي الوضع؟!

بضلو زكرى اهون من بلااااااااش!!!



ثانيا: تقريبا عدد الفلسطينية اللي من الـ48 محدود جدا جدا في المنتدى، فرح يكون كتيييييييييير صعب انو يمشي موضوع بدو مشاركات وتعاون من قبل الاعضاء اللي عاشوا نشاطات النكبة!!!



بس لاكون راضية عن نفسي من هالناحية.. من اول سنة انضميت فيها للمنتدى، (يعني اللي سنتين هون)، كل سنة بنزل موضوع عن النشاطات اللي بتصير بالـ48 في يوم النكبة، بس اليوم اللي بكون فيو عيد الاستقلال..

لانو النشاطات عنا بهاليوم متاحة واكتر من يوم النكبة الاصلي.. غير انو بيوم الاستقلال الكل بكون معطِّل: عن شغل، دراسة..

بس بيوم النكبة الاصلي مش الكل بطلعلو وبامكانو انو يعطِّل!!!



وهاي رابط موضوعي عن نشاطات النكبة في ذكراها الـ61 (انتبهوا للتواريخ..!)

http://shabab.ps/vb/showthread.php?t=93365




وهاي رابط موضوعي عن نشاطات النكبة في ذكراها الـ62 (كمان انتبهوا للتواريخ..!)

http://shabab.ps/vb/showthread.php?t=113882



وهيك بكون حاولت اغطي الصورة عن النشاطات بالـ48 بشكل عام في ذكرى النكبة..



وعنجد وكتيييير حابة اشوف صور ومعلومات عن نشاطاتكو اللي بتصير عندكو بذكرى النكبة!




وبشكرك شهيد كتيير لانك عملت على توفير وتحقيق الاشي اللي كنت بسعى لالو


والاعضاء يلا اتنشطوا..

لسا ما شفنا اشي..

كنكو مخبيين مشاركاتكو مفاجآت للذكرى الـ63 السنة الجاي... :)



تحياتي للجميع..
لالا-فلسطين 48.

[شهيد]

والاعضاء يلا اتنشطوا..

لسا ما شفنا اشي..

كنكو مخبيين مشاركاتكو مفاجآت للذكرى الـ63 السنة الجاي... :)



تحياتي للجميع..
لالا-فلسطين 48.

المشاركة من الاعضاء في قسم بيني وبينك لالا

حياك الله ^^

[.. ليآل ~]

يعني مطلوب صورة ولوحه ؟؟

ححاول اسآوي شي

(:

عوافي خيو

[إسراء الفلسطينية]

المشاركة الأصلية كتبت بواسطة ليـــــــــــــال يعني مطلوب صورة ولوحه ؟؟

ححاول اسآوي شي

(:

عوافي خيو

لا حبيبتي

المطلوب وحدة من التنتين :)

يعني المشاركة، بصورة وحدة مش أكتر..

منورة لياالو

[.. ليآل ~]

شكراً للتوضيح حبيبتي

تؤبشيني :$