[ مـمـيـز ] .. يوميات نديم

[غيورة على وطنها]

السلام عليكم و رحمة الله و بركاته

اليوم رح تكون اول حلقة من يوميات نديم

بس عندي رجاء انكم تكملوا القصة للنهاية و بعدين احكموا عليها

لا تكونو متسرعين متل ما عملت انا بالاول

و على فكرة القصة فيها كتير حاجات تخص الشباب خاصة و حياتهم اليومية و كمان البنات

المهم ما رح طول عليكم




الحلقة الاولى * احوالنا بالبيت*

ايه ده،، صوت دوشة جاي من بعيد....اوووف ميت مرة أقولها توطي الزفت التيليفزيون...حطيت الزفتة المخدة على دماغي عشان أكمل نوم..

زعيق تاني.

ياااادي القرف.. حاولت أفتح عيني..لكن الهانم كمان سايبة النور مفتوح،، أنا قلت طب هنام بقى :P
و شديت الزفتة البطانية و غطيت عيني...

الدوشة زادت أوي


اااااه شكلي هقوم أتخانق.. مهو أنا طول اليوم طالع عيني في الكلية و مستكترين عليا الكام ساعة اللي بنامهم.
نطرت الزفتة البطانية... و رميت الزفتة المخدة
و فتحت عيني... ايه ده! احنا الصبح ولازم أروح الكلية..
زعيييييق


قلت بملل،، خلاص صحيت.. أحب أعرفكم دي خناقة كل يوم..ماما و جميلة بيعملوها .. تحرياتي بتبين إنها على الأغلب معمولة عشان يصحوني.. مش معقولة في اتنين عندهم القدرة إنهم يلاقوا مشكلة يتخانقوا عليها كل يوم الصبح،، لأ و سبحان الله ..الخناقة بتبقى كل يوم الساعة 6... الحق يقال إن غالباً بيعملوا كده عشان ميدخلوش اوضتي
:$:$

احم احم،، بيقولوا إن ريحتها وحشة و منظرها يقرف : )

من ساعة مدخلت الكلية دي و أنا مش حارمهم من ريحة وحشة و لا من منظر بدييييييع
:D:D


**********


طبعاً بمجرد مبطلع من الأوضه بلاقي ماما و جميلة بقو زي السمن على العسل..الصلح خير بردو :)
ماما: مالك مبهدل كده عالصبح
أنا في استغراب: لسه صاحي من النوم يعني أطلعلك ببدلة مثلاً يا ماما
ماما في اشمئزاز: هتفطر؟
اوباااااا ربنا يستر ما هو لو جميلة عاملة الفطار يبقى على جثتي
why not أنا: لو من ايديكي الحلوين يبقى
ماما في ابتسامة خبيثة فهمتني: ايديا الحلوين بردو..أيوا يا سيدي عملتلك فطار في المطبخ روح كل بس اغسل وشك الأول و انضف و البس حاجة شيك شوية..
ابتديت أشك إني لابس لبس مبقع ولا مقطع و قعدت أدور في لبسي و قلت في سري: دي أشيك حاجة عندي
:D


************


و أنا بفطر بعد م نضفت و لبست لبس شيك عشان أعجب ماما :D
دخلت ست جميلة بطلتها البهية
مش فاهم أنا هي ليه مصممة تثبت قدرتها الخارقة على التنكر، عندها قدرة عجيبة إنها تبدو كل يوم بشكل مختلف تماماً عن اللي قبله..هي في جامعة خاصة معظمهم مطرقعين زيها،، شوفوا مش أنا أخوها الصغير بس سبحان الله العقل ده نعمة :).. هي أي نعم بيبقى شكلها جميل- غالباً يعني- بس بردو كده كتير.. بتهيألي ناقص تكتب على قفاها أنا بنت مدام فيفي مصممة الأزياء و الهواري باشا رجل الأعمال...
بكره الفشخرة..


good morning honey جميلة
أنا: و انتي طيبة
:D
جميلة: ايه رأيك في الفطار.. معلش معملتش حاجة في الفطار انهارده بس كنت بجرب اعمل لوك جديد شفته في المجلة اللي....

و اندمجت في وصف أحدث صيحات التفاهة و طبعاً أنا سرحت لأني كنت هتنقط
أصحاب العقول في راحة
المهم إنك مرتكبتيش جريمة الفطار بتاعة كل مرة..
جميلة مهووسة بالتغيير ..أي حاجة جديدة بتبقى عايزة تعملها
مرة تعملنا مش عارف شوكو ايه و كتكت بان و حاجات ممكن تستخدم في تعذيب المعتقلين مش تغذية بني آدمين..

جميلة: hey
أنا : ايه؟؟
جميلة: ايه رأيك؟؟
أنا: في ايه؟؟
جميلة: أنا بتكلم في ايه من الصبح يا أخي
أنا: يالهوي الساعة 7 أنا كده مش هعرف أروح الكلية الله يسامحك..
جميلة: ممكن أوصلك على فكرة بعربيتي



هأو أنا أمشي جمبك في الشارع و انتي بالمنظر ده .بالرغم من إني المفترض آخر العنقود إلا إني معنديش عربية، لسه مجبتش سن الرخصة و مش عايز أعمل رخصة بمساعدة معارف بابا...

أنا : لأ شكراً

و طلعت أجري لتكبر في دماغها إنها توصلني
و

أشوفكو الحلقة الجاية

[اسد 22]

تعليق بسيط على طلبك
ايه رأيك تفتحي موضوع اخر تسميع للتعليق على حلقات نديم؟

متابع من البداية وهنا للمتابعة ؟

[غيورة على وطنها]

حاضر يا اخي اسد عندك حق

[اسد 22]

المشاركة الأصلية كتبت بواسطة غيورة على وطنها حاضر يا اخي اسد عندك حق

بانتظار ما عندي وقت

[حسام المصرى]

ههههههههههه
بحسب اليوميات بلهجة غير مصرية ..

بس الحمد لله

الحلقة الأولى حلوة ودمها خفيف ..

متابع

[غيورة على وطنها]

المشاركة الأصلية كتبت بواسطة حسام المصرى ههههههههههه
بحسب اليوميات بلهجة غير مصرية ..

بس الحمد لله

الحلقة الأولى حلوة ودمها خفيف ..

متابع

بما انك انت فهمتها ان شاء الله الكل يفهمها و تعجبكم

[غيورة على وطنها]

المشاركة الأصلية كتبت بواسطة اسد 22 بانتظار ما عندي وقت

ههههههههههههههههههههههههههههه

بالراحة ع نفسك اخي اسد انا قلت حلقتين بالاسبوع بس

[PaLeSt!Ne SouL]

شكلو عصبي الأخ


:)


متابعة ~

[غيورة على وطنها]

و الله الاخ مو عصبي كتير بس اهلو رح يطيرو روحو

[اسد 22]

يعني بنفع اعلق هنا

عادي

؟

متابع