مسـابقـة >> يـلاااا نطبــخ << شبـاب صبـايـا هيـر ^^

[صاحبة القلم الحزين]

احم احم

كيكة السعادة " أشبع حواسكــ "





>>> لماذا سميّ هذا الصنف من الحلويات بهذا الاسم؟؟!!

لأنه من خبرتي بكل اللي ذاقو هالكيكة " من تحت ايدي طبعا "

كلهم أول ما يذوقوا اول لقمة.... بغمضو عيونهم

مع ابتسامة بسيطة و بيقولو " امممممممم "

و تلقائيا بيحسوا بسعادة




>>> ما هي مكونات هذه الطبخة اللذيذة " يمي يمي" ؟

** سكر **

** زيت مازولا " يعني بالعربي مش زيت زيتون الزيت التاني اللي بنقلي فيه البطاطا " **

** ماء **

** طحين **

** حليب بودرة " بينفع حليب عادي سائل بس البودرة ألذ كتير" **

** بيض **

** فانيلا **

** بسكويت شاي " يعني بسكويت عادي" **

** نسكافيه **





>>> ماذا عن المقادير؟

هدول الكميات بيعملوا مقدار واحد

و لصينية متوسطة الحجم بدكم مقدارين

لكل طبقة مقدار

فهمتوا ؟؟

1/4 كاسة سكر

1/2 كاسة زيت

3/4 كاسة ماء

3 ملاعق كبيرة طحين

8 ملاعق كبيرة حليب بودرة

بيضة واحدة

ملعقة فانيلا واحدة

ملعقتين نسكافيه

^_^






و الآاااااااااااااااااااااان

إليكم الطريقة


~~~ أولاً ~~~

بتحطوا كل هالمكونات اللي فوق مع بعض في الخلاط الكهربائي



و بتخلطوهم مع بعض منيح منيح لحد ما يصير المزيج سائل






~~~ ثانياً ~~~

بتصبوا أو بتسكبوا هالمزيج في مقلاة و بترفعوها على النار



يفضل انه تكون النار متوسطة و اذا قرب ينحرق بتوطوا الغاز



المهم

أول ما تحطوها على النار بتبلشوا تحركوا

و بتستمروا بالتحريك حتى يصبح المزيج عجينة أو شبه عجينة






~~~ ثالثاً ~~~

بترفعوا الخليط عن النار و وين بتحطوه يا حزركم؟؟؟!!

بترجعوا المزيج على الخلاط كمااااااااااااااااان مرة



و بتصيروا اتضيفوا ماء شوي شوي

لحد ما يبطل شبه عجينة و يصير مزيج كثيف " زي الكستر مثلاً "




~~~ رابعاً ~~~

طبعاً في هذه الأثناء

بتكونوا محضرين الصينية اللي بدكم تعملوا فيها الكيكة

و يفضل انها تكون بايركس أو أي صينية زجاجية " عشان المنظر أحلى"

و كمان بتكونوا حاطين صف بسكويت في الصينية

هيك يعني





~~~ خامساً ~~~

بتسكبوا الاختراع اللي طلع معكم من الخلاط

فوق البسكوتات في الصينية

بس بويشويش كدة

بلاش يطيروا البسكوتات و يصيروا يسبحوا







~~~ سادساً ~~~

بتحطوا كمااااااااااان طبقة من البسكويت فوق طبقة " الاختراع" اللي صبيتوها

يعني بيصير المنظر هيك بالعربي







~~~ سابعاً ~~

بتكرروا نفس الخطوات التلاتة الأولى

يعني خطوة رقم 1 + 2 + 3

بس قبل ما توصلوا للخطوة الرابعة

بتضيفوا للخليط ملعقتين نسكافيه



و بتردوا تخلطوهم كمان مرة مرتين على الخلاط

حتى يصبح المزيج متجانساً و لونه بني فاتح




~~~ ثامناً ~~~

نصب أو نسكب المزيج فوق الطبقة الثانية من البسكويت

و بيصير المنظر هيك






~~~ تاسعاً ~~~

نترك الكيكة حتى تبرد قليلاً ثم ندخلها إلى الثلاجة

و هناك بتتركوها ساعة ساعتين

لحد ما تصير جامدة و بينفع تتقسم قطع




~~~ عاشراً ~~~

ههههههههههههههه

فش عاشراً شو عجبتكم الشغلة!!!






و هذا الشكل النهائي

يمكن يكون شكلها مش كتير لذيذ

بس الطعم

اااااااااخ منه

قد ما تقولوا يمي يمي لسه أكتر !!









و هي صورة من الجنب بتبين اللونين




و هاااااي آخر صورة

يمي يمي يمي







كان نفسي أصورلكم

قطعة منها بعد ما جمدت بس للأسف

نسفوها

أكلوها كلها قبل ما أصورها







طبعا

حتى تشعروا بالسعادة

و تشبعوا حواسكم

لازم تاكلوها و أنتو رايقين

و ما تنسوا تسموا بالله قبل أي شي

و شكرا



كنتم مع:



الشيف >>> صاحبة القلم الحزين

^_^